Երկու կալանավորներ փախել են Կոլումբիայի մայրաքաղաք Բոգոտայի հատուկ ռեժիմի բանտից: Նախնական տվյալների համաձայն՝ խցակից տղամարդիկ իրենց պահակին ալկոհոլ են խմեցրել և համոզել են նրան, որ թույլ տա խանութ գնան՝ էլի խմիչք բերելու համար: Այդ ժամանակվանից նրանք այդպես էլ չեն վերադարձել, ոստիկանությունը սկսել է փախուստի դիմած կալանավորների որոնումը:
Հաղորդվում է, որ փախչել է հաջողվել Կոլումբիայի հեղափոխական զինված ուժերի նախկին երկու անդամներին: Նրանցից մեկը՝ Ջոն Գուտյերես Ռինքոնը դատապարտված էր 40 տարվա ազատազրկման՝ 2003 թվականին մարդ առևանգելու համար, մյուսը՝ Օլմեդո Վարգասը իր դատին էր սպասում՝ կողոպուտի մեղադրանքով:
Բանտի աշխատակիցները ենթադրում են, որ պահակը նրանց հետ համաձայնության է եկած եղել: Այդ կարծիքին են նաև մյուս պահակները, ովքեր տեսել են, թե ինչպես է իրենց գործընկերը կալանավորների ալկոհոլ օգտագործում:
Թե ինչ պատիժ է սպասվում մեղավոր պահակին՝ չի նշվում:
