Իսլամական պետության ահաբեկիչները նախատեսում են գրոհներ իրականացնել, մասնավորապես, Անգլիայից ժամանակ երկրպագուների նկատմամբ՝ Ռուսաստանում ֆուտբոլի աշխարհի առաջնության անցկացման ընթացքում։ Այս մասին հաղորդում է բրիտանական The Sun-ը։
Հաղորդվում է, որ «Իսլամական պետության» Telegram-ի ալիքներով պատկերներ և տեսանյութեր են տարածվում, որտեղ ահաբեկիչները ռումբերի մատակարարման համար դրոններ են օգտագործում և մանրամասն նկարագրում են ահաբեկչական խմբավորման գրոհների պլանները չեմպիոնատի ընթացքում։ Նաև նշվում է, որ պետք է զգուշանալ մահապարտ ահաբեկիչներից, ովքեր կարող են մարզադաշտ սողոսկել։
Հետախուզությունը ենթադրում է, որ սպառնալիքները պետք է լուրջ ընդունել։ «Կասկած չկա, որ այս տեխնոլոգիան, եթե այն օգտագործվի ԻՊ–ի կողմից չեմպիոնատի ընթացքում՝ ահաբեկչական գրոհների ժամանակ, կարող է աղետալի արդյունքի հանգեցնել»,– թերթը մեջբերում է հետախուզության աղբյուրի խոսքերը։
Ռուսաստանում ֆուտբոլի աշխարհի առաջնությունը տեղի է ունենալու 2018 թվականի հունիսի 14-ից հուլիսի 15-ը։
