Երգիծական դերասան Ռոսս Սմիթը՝ Մեծ Բրիտանիայից, արձակուրդի է մեկնել՝ օգտվելով իրեն անծանոթ, նույն անունով մարդու տոմսից,– հաղորդում է Mirror-ը։
28-ամյա դերասանը Facebook-ով հաղորդագրություն է ստացել իրեն անծանոթ երեք երիտասարդներից, ովքեր պատրաստվում էին ոչ աշխատանքային օրերին Ռոսս Սմիթ անունով իրենց ընկերոջ հետ Համբուրգ մեկնել։ Սակայն ուղևորության նախօրեին Սմիթը հաղորդել է, որ չի կարող միանալ նրանց, և ընկերները որոշել են նրա տոմսը առաջարկել նույն անունով ցանկացած մարդու։
So this is happening. I’m taking another Ross smiths holiday place with a group of Lads I don’t know. Will I be trafficked? Will I meet new best friends? Will I come back with both kidneys? Follow the saga at #iamrosssmith pic.twitter.com/SCRDYTdAtC
— Ross smith (@Rosssmithhaha) March 21, 2018
«Ես ծիծաղեցի, երբ ստացա նրանց ընկերոջ տեղը զբաղեցնելու հրավերը։ Սկզբում ուզում էի հրաժարվել, սակայն ընկերս ասաց, որ ես պարտավոր եմ մեկնել։ Սա արկած է։ Մի քիչ տարօրինակ է հանդիպել մարդկանց հետ, ում երբեք մինչ այդ չես տեսել։ Նրանք ինձանից վախենում են այնպես, ինչպես ես իրենցից»,– կիսվել է դերասանը։
Սմիթն ընդունել է հրավերը և հանդիպել է տղաների հետ Լոնդոնի օդանավակայանում։
Այն մասին, թե ինչպես են անցնում արձակուրդները, Ռոսս Սմիթը պատմում է իր Facebook-ի և Twitter-ի էջերում։
