«Վերջին շրջանում ես ունեմ շատ բացասական վերաբերմունք իշխանությունների նկատմամբ։ Հատկապես Կարեն Կարապետյանի հանդեպ՝ որպես վարչապետ։ Նա տապալեց ՀՀ-ում կառավարման բոլոր խնդիրները։ Նա պարզապես ժամանակավոր քաղաքական ծաղրածու էր, որը շուտով կգնա»,- «Առաջին լրատվական»-ի հետ զրույցում ասաց Սյունիքի նախկին մարզպետ Սուրիկ Խաչատրյանի խորհրդական, գնդապետ Վոլոդյա Հովհաննիսյանը։
Նա նշեց, որ Կարեն Կարապետյանը այն վակուումային վարչապետն էր, որից հետո պետք է գար նորից Սերժ Սարգսյանը։
Մեր դիտարկմանը, թե իր ծայրահեղ գնահատականները Կարեն Կարապետյանի նկատմամբ արդյո՞ք պայմանավորված են այն հանգամանքով, որ վարչապետը նշանակումից հետո առաջինը աշխատանքից ազատեց հենց Սուրիկ Խաչատրյանին, Հովհաննիսյանը պատասխանեց. «Ոչ։ Իմ գնահատականները պայմանավորված են իր ապաշնորհ կառավարմամբ։ Եվ հետո, ես շատ բացասական վերաբերմունք ունեմ նաև Սերժ Սարգսյանի նկատմամբ։ 2017 թվականի ապրիլի 2-ից հետո Սերժ Սարգսյանը ուզուրպացրեց իշխանությունը, փոխեց Սահմանադրությունը իր վերարտադրության համար։ Այդ օրվանից իմ վերաբերմունքը փոխվել է նաև նրա նկատմամբ։ Նա տապալեց ՀՀ-ի զարգացման ընթացքը բոլոր առումներով»,- ասաց Հովհաննիսյանը։
Նա նշեց, որ Սուրիկ Խաչատրյանի հեռանալուց հետո մարզում ամեն ինչ գլխիվայր շուռ է եկել։ «Այցելեք մարզ ու կտեսնեք։ Մամուլը կերտեց Սուրիկ Խաչատրյանի բացասական կերպարը, և այդ կերպարը զոհաբերվեց Կարեն Կարապետյանի ճղճիմ նկրտումներին»։
Անդրադառնալով Սուրիկ Խաչատրյանի հետ կապերին՝ Հովհաննիսյանն ասաց, որ իրենք շարունակում են մտերիմ հարաբերություններ ունենալ։
Առավել մանրամասն՝ տեսանյութում:
