Թուրքիայում մամուլի և հեռուստատեսության ոլորտներում գրեթե լիակատար վերահսկողություն հաստատելուց հետո, նախագահ Ռեջեփ Թայիպ Էրդողանի կառավարությունը որոշել է, որ հերթն արդեն հասել է համացանցին, և ժամանակն է «մաքրել» այն:
Անկարայի նախարարների պալատը մոտ ժամանակներս պատրաստվում է կառավարությանը նոր օրինագիծ ներկայացնել, որը կստիպի ինտերնետային կայքերի սեփականատերերին անպայման գրանցել դրանք, ինչպես նաև կհանձնի բոլոր թուրքական կայքերը հեռուստատեսության և ռադիոյի պետական մարմնի վերահսկողության տակ:
Հեռուստատեսության, ռադիոյի և տպագիր մամուլի վրա թուրքական իշխանությունների կողմից գրոհը ավարտվեց վերջիններիս լիակատար հաղթանակով՝ 2016 թվականի հուլիսին տեղի ունեցած հեղաշրջման փորձից հետո:
Կարծիք կար, որ Էրդողանը ինքն էր կազմակերպել այդ թոհուբոհը:
Փակվեցին ավելի քան 150 զանգվածային լրատվամիջոցներ, շատերը հարկերով խեղդամահ եղան:
Այդ ժամանակ շատ թուրքեր, չուզենալով համակերպվել այն բանի հետ, որ իրենց երկիրը բռնապետության է վերածվում, դիմեցին համացանցին, ու հիմա իշխանությունները որոշել են սանձերը ձգել նաև այս ոլորտում:
