100 տրիլիոն ռիալի (4 մլրդ դոլար) պարտք ունեցող Իրանի ազզային ընկերությունը (NIGC) հայտարարել է սնանկության մասին: Mehr գործակալության փոխանցմամբ՝ այս մասին հայտնել է կազմակերպության գլխավոր տնօրեն Համիդ Ռեզա Արաղին:
Իրանի նավթարդյունաբերության նախարար Բիջան Զանգանեհը պարզաբանել է, որ NIGC-ի ֆինանսական դժվարությունների պատճառը պետական սուբսիդիաների վերակառուցմանն ուղղված նախկին ղեկավարության գործողություններն էին: Նրա խոսքով՝ մենեջերների սխալները հանգեցրել են երկրում էներգառեսուրսների մշակման ու տարածման հետ կապված դժվարությունների:
Երեկ ընկերության մամլո քարտուղարը փորձել էր հերքել ֆինանսական անկարողության մասին տեղեկությունները:
Իրանն ունի Ռուսաստանից հետո աշխարհում գազի խոշորագույն պաշարները, որոնք կազմում են համաշխարհային պաշարների 10 տոկոսը: Իսլամական Հանրապետությունը վառելիք է արտահանում Թուրքիա, Հայաստան և Ադրբեջան: 2012-ին գազի վաճառքից ստացված եկամուտը կազմել է մոտ 3.8 միլիարդ դոլար: Նույն ժամանակահատվածում Թեհրանը նավթի արտահանումից 69 միլիարդ դոլար է ստացել (ԱՄՆ-ի էներգետիկ անվտանգության վարչության գնահատականն է):
