Գլխուղեղի ակտիվության փոփոխության նպատակով մագնիսական դաշտերի կիրառումը կարող է օգնել ծխելուց հրաժարվելու հարցում: Հետազոտողները պնդում են, որ տրանսկրանիալ մագնիսական խթանումը ապաակտիվացնում է գլխուղեղում նիկոտինից կախվածությունը՝ գրում է mignews.com-ը:
Այս հետազոտության արդյունքների մասին հայտնել են նյարդաբանության համաժողովում: Համարվում է, որ հենց դրանք կօգնեն շատ մարդկանց ծխելը թողնելու հարցում: Սակայն անհրաժեշտ է այդ ոլորտում շարունակել հետազոտությունները՝ մինչ բուժման այդ տեսակին անցնելը:
Տրանսկրանիալ մագնիսական խթանումը փոխում է գլխուղեղի ֆունկցիան ու խթանում նեյրոնները, ինչն արդեն փորձել են դեպրեսիայով տառապող մի խումբ հիվանդների վրա:
Իսրայելի Բեն-Գուրիոնի համալսարանի թիմը մեթոդը փորձարկել է գլխուղեղի այն երկու հատվածներում, որոնք պատասխանատու են նիկոտինից կախվածության համար:
115 ծխողներին բաժանել են 3 խմբի ու 13 օրվա ընթացքում անցկացրել են տրանսկրանիալ մագնիսական խթանում՝ տարբեր մակարդակներում՝ բարձր, ցածր և խթանման բացակայություն:
6-ամսյա կուրսի ավարտին նշվել է, որ բարձր մակարդակով խթանման կուրս անցնող մարդիկ հաջողությամբ թողել են ծխելը:
