«Մաքսային միությանը Հայաստանի անդամակցելուց, Եվրասիական միության ստեղծումից հետո, ամենայն հավանականությամբ, այդ տարածքում կգործի մեկ միասնական արժույթ ռուբլի։ Թե այդ դեպքում Հայաստանում կենսաթոշակային կուտակային համակարգով քաղաքացիներից հավաքագրված միջոցներին ի՞նչ ճակատագիր է սպասվում, ի՞նչ արժույթով են հաշվարկվելու, պարզ չէ։ Հարցը նույնիսկ կառավարության օրակարգում չկա։
Աժ պատգամավոր, ՀՀ նախկին վարչապետ Հրանտ Բագրատյանը «168 ժամ» պարբերականի թղթակցի հետ զրույցում հայտարարել է, որ կառավարիչների հետ պայմանագիր կնքելիս անհրաժեշտ է սահմանել, որ ակտիվների տեղաբաշխման ժամանակ հնարավորություն նախատեսվի ցանկացած պահի դրանք փոխարկել այլ արժույթի, որը պաշտոնապես կգործի ՀՀ-ում։
«Այս փողերը նրանք ուզում են մեծ մասամբ տանել եվրոպական ֆինանսական հաստատություններ տեղաբաշխելու։ Բայց, այսօրվա դրությամբ, պետք է փոփոխություն անել օրենքում, որ մարդիկ վստահ լինեն, որ արժե տեղաբաշխել, որովհետև, եթե Մաքսային Միություն մտնեն, այնտեղ հանկարծ փոխարժեքը ռուբլի լինի, մարդիկ կորուստներ չունենան։ Հետևաբար, այսօր տեղաբաշխելուց պետք է այս հնարավորությունը նախատեսել»,-ասել է Բագրատյանը:
Հոդվածն ամբողջությամբ՝ կարդացեք «168 ժամ»-ի այսօրվա համարում:
