Վեցամյա Ալլա-Վիկտորյան դարձել է հայտնի գեղասահորդ Եվգենի Պլյուշչենկոյի սանը:
Ավելի վաղ հայտնի էր դարձել, որ երաժշտական պրոդյուսեր Յանա Ռուդովսկայայի ամուսինը՝ օլիմպիական չեմպիոն Եվգենի Պլյուշչենկոն, մարզում է 2014թ. Սոչիի Օլիմպիական խաղերում ոսկի նվաճած Ադելինա Սոտնիկովային:
Պլյուշչենկոն ձեռք է բերել ևս մեկ աշակերտ՝ փոփ-արքայի ժառանգ վեցամյա Աննա-Վիկտորյան: Դեռ մեկ տարի առաջ երգիչը վստահեցնում էր, որ դուստրը շատ հայտնի մարմնամարզուհի է դառնալու, սակայն որոշ ժամանակ անց նա որոշեց դստերն ուղարկել գեղասահքի մարզումների՝ որպես մարզիչ ընտրելով լավագույններից մեկին: Ֆիլիպի խոսքերով՝ հենց ինքը՝ օլիմպիական չեմպիոնների մի ամբողջ սերունդ դաստիարակած Իրինա Վիներ-Ուսմանովան փաստել է երեխայի տաղանդի մասին և առաջարկել հենց իր մոտ մարզել երեխային:
Սակայն 2018թ. Օլիմպիական խաղերին Ալինա Զագիտովայի և Եվգենյա Մեդվեդևայի ելույթները դիտելուց հետո՝ Ալլա-Վիկտորյան հստակ որոշել է դառնալ գեղասահորդուհի: «Այդ գեղեցկուհիները, իրենք էլ չկասկածելով ոչինչ, դստերս համար դարձել են մոտիվացիայի աղբյուր»,- իր խոսքում նշել է երգիչը:
Այսպիսով, վեցամյա Աննա-Վիկտորյան ամեն օր մարզվում է Պլյուշչենկոյի գեղասահքի ակադեմիայում: Այնտեղ մարզվում է նաև մարզիչի որդին: Ուստի չի բացառվում, որ տարիներ հետո Սաշան և Ալլա-Վիկտորյան կարող են գեղեցիկ պարային զույգ դառնալ:
