Խորհրդային օկուպացիայի օրվա հետ կապված Վրաստանի նախագահականի և պետական կառույցների դրոշները փետրվարի 25-ին խոնարհվել են․ այդ օրը երկրում հայտարարված է խորհրդային օկուպացիայի օր:
ՀՀ ԳԱԱ պատմության ինստիտուտի տնօրեն Աշոտ Մելքոնյանը, անդրադառնալով տեղի ունեցածին, «Առաջին լրատվական»-ի հետ զրույցում նշեց, որ երբ փորձ է արվում Վրաստանի պատմությունը գնահատել, հատկապես 1801-ը, երբ Արևելյան Վրաստանը բռնակցվեց Ռուսական կայսրությանը, և 1921-ի փետրվարի 25-ին, երբ անկախ Վրաստանի դեմոկրատական Հանրապետությունը օկուպացվեց 11-րդ Կարմիր բանակի կողմից, որոնք մինչ այդ մտել էին Հայաստան, այնտեղից Լոռու վրայով անցան Վրաստան։
«Պետք է կարողանալ Վրաստանի պատմությունը գնահատել Վրաստանի մտավորականության, վրաց ժողովրդի տեսանկյունից։ Երբ փորձում ես հայավարի գնահատել, բնականաբար, սխալ եզրահանգումների ես գալիս։ 1921-ի փետրարի 25-ին իրոք, օկուպացիա էր»,- հավելեց Աշոտ Մելքոնյանը։
«Մեր անկախության կորուստը, որ սկսվեց 1920-ի մայիս ամսից Արցախով, սխալմամբ մենք Հայաստանի խորհրդարայացումը միայն վերագրում ենք 1920 թվականի դեկտեմբերի երկուսին։ Երևանն է խորհրդայնացել դեկտեմբերի 2-ին, բայց Արցախ աշխարհում ավելի վաղ է դա տեղի ունեցել՝ 1920-ի մայիս ամսին, երբ 11-րդ Կարմիր բանակը մտավ Արցախ»,- ասաց պատմաբանը։
Ամբողջությամբ՝ տեսանյութում։
