Հարուստ ընկերությունները գումարներ չեն խնայում իրենց գրասենյակների վրա, որպեսզի աշխատակիցները որքան հնարավոր է շատ ժամանակ անցկացնեն այնտեղ: Apple-ի նոր մասշտաբային թաղամասում ամեն ինչ այնքան հարմար է, որ այնտեղ կարելի է ապրել:
Հեռավոր 2011-ին Սթիվ Ջոբսը բարձրաձայնել էր Կուպերտինոյում Apple-ի նոր գրասենյակ կառուցելու մտադրության մասին, իսկ համացանցում հայտնվել էին այդ շքեղ շինության լուսանկարները: Շենքը բաղկացած է լինելու հիմնական՝ Mothership գրասենյակից և դրան հարակից մի քանի շինություններից: Պլանավորվում է, որ շինարարությունը կավարտվի 2016-ին:
Apple-ի նոր շտաբ-գրասենյակը կտեղակայվի Կուպերտինոյի հյուսիսարևելյան հատվածում: Տիեզերանավի նման բազմահարկ շինությունը շրջապատված է լինելու իսկական անտառով:
Մասնաշենքերի պլանավորումն այնպես է արվել, որ աշխատակիցները հեշտությամբ կարողանան կապ հաստատել միմյանց հետո: Շինության ներսում ներքին մուտքեր են լինելու, որպեսզի աշխատակիցներն ազատորեն տեղաշարժվեն մասնաշենքերով:
Շինության սրճարանի տարածքը կազմում է 8 հզ. ք/մ: Գրասենյակում Apple-ի աշխատակիցների համար գործելու է նաև ֆիթնես-կենտրոն:
