Արդեն մի ամբող օր հորդառատ անձրևները չեն դադարում Սաուդյան Արաբիայի մայրաքաղաք Էր-Ռիյադում, հաղորդում է «Ալ-Արաբիա»-ն:
Հեռուստաալիքի տվյալներով՝ 5-միլիոնանոց քաղաքում կյանքը կաթվածահար է եղել: Էր-Ռիյադում նկարահանված կադրերից երևում են ջրով ողողված փողոցները, մինչև կեսը ջրի մեջ ընկղմված ավտոմեքենաները:
Անձրևների հետ կապված՝ Սաուդյան Արաբիայի Քաղաքացիական պաշտպանության ծառայությունը կոչ է արել քաղաքի բնակիչներին տներից դուրս չգալ: Փակ են կրթական հաստատությունները, փոխանցում է Интерфакс-ը:
Քաղաքացիական պաշտպանության և անվտանգության ծառայության աշխատակիցները բարձր պատրաստվածության են բերվել, եթե հետագայում իրավիճակն ավելի բարդանա, նշում է հեռուստաալիքը:
