«Պետությունն ինքը արդարադատության կրողն է, եթե չի կարողանում արդարադատություն հաստատել՝ գտնվում են մարդիկ, որոնք ինքնիրավչությամբ փորձում են իրենք իրենցով արդարադատություն հաստատել։ Մարտի մեկը պետք է բացահայտվի, այլապես կգտնվեն խմբեր, որոնք կփորձեն արդարություն հաստատել»։ Այդ մասին «Առաջին լրատվական»-ի հետ զրույցում ասաց «Մարտի 1» ՀԿ համակարգող Առաքել Սեմիրջյանը։
Նա ընդգծեց, որ պետությունը պիտի նաև այնպիսի քաղաքական հարթակ ստեղծի, որպեսզի մարդիկ կարողանան իրենց գաղափարները քաղաքական միջոցներով հասցնեն հասարակությանը, այլապես քաղաքական հարցերի պարագայում ուժի շարունակական կիրառման դեպքում կունենանք նոր «Սասնա ծռեր», և բացառված կլինի, որ արտագաղթը դադարի։
«Նույն «Սասնա ծռեր»-ի տղաներն էլ միանգամից Սասնա ծուռ չդարձան, իրենք փորձեցին որոշակի քաղաքական ճանապարհներ անցնել, ու եթե տեսնենք՝ տարբեր հրապարակներում էդ տղաները մինչև ծայրահեղական դառնալը փորձում էին քաղաքական միջոցներով շարժվել։ Ես կուզեմ, որ երբևէ «Սասնա ծռեր»-ը չկրկնվեն, բայց եթե «Սասնա ծռեր»-ից առաջ պետությունը քաջալերում է նույն «Դաշնակցությանը», որը էն ժամանակ փորձում էր արդարություն հաստատել, միայն 30+1 գործ, ՀՅԴ-ի մյուս գործերը նույն պատերազմի ժամանակ, ապա «Սասնա ծռեր»-ի գործողությունները իրենց համեմատ մանկապարտեզ է, խաղուպար։ Մի դեպքում մարդկանց արդարացնում ես, որ ուժ կիրառելով փորձում են իշխանափոխություն անել, մի դեպքում էլ՝ «Սասնա ծռեր»-ին մեղադրում ես մահացու մեղքերի համար, երբ «Սասնա ծռեր»-ի արածը ՀՅԴ-ի արածի համեմատ մանկապարտեզ է»,- ընդգծեց նա։
Մանրմասները՝ տեսանյութում։