«Առաջին լրատվական»-ի տեղեկություններով, քրեական հեղինակություն Արմեն Եփրեմյանի ( «Թեփ Արմեն») Սարդարապատ գյուղում նախօրեին տեղի ունեցած սպանությունը վենդետա է:
Արմեն Եփրեմյանի հետ հաշվեհարդար տեսած անձի բարեկամը, ըստ տեղեկությունների, սպանվել է դեռ 2006-ին: Համոզված, որ իր բարեկամին հենց Արմեն Եփրեմյանն է սպանել, վերջինս վրեժխնդրության հողի վրա իր հերթին որսորդականյ հրացանից կրակելով սպանել է Եփրեմյանին:
Միջադեպի արդյունքում տուժել է նաև սպանվածի կողքին այդ պահին գտնվող Քաջիկ Ավետիսյանը: Նրան տեղափոխել են Արմավիրի բժշկական կենտրոն:
Ինչպես «Առաջին լրատվական»-ին հայտնեցին բժշկական կենտրոնից, առաջին օգնություն ստանալուց հետո վերջինս հեռացել է:
Հիշեցննեք, որ ժամը 14.30-ի սահմաններում, Սարդարապատ գյուղի 16-րդ փողոցի թիվ 6 տան դիմաց, «ՎԱԶ-2107» մակնիշի ավտոմեքենայի միջից անհայտ անձը չպարզված հրազենից կրակոց է արձակել 1972 թ. ծնված Արմեն Եփրեմյանի վրա և դիմել փախուստի:
Ա. Եփրեմյանը հիվանդանոց տեղափոխելու ճանապարհին մահացել է:
Ոստիկանության Արմավիրի մարզային քննչական բաժնում հարուցվել է քրեական գործ ՀՀ քրեական օրենսգրքի 104 հոդվածի 1-ին մասի և 235 հոդվածի 1-ին մասի հատկանիշներով:
Կատարվում է նախաքննություն:
