Ազգային ժողովի ՀՀԿ խմբակցության ղեկավար Գալուստ Սահակյանը ԱԺ ճեպազրույցների ժամին անդրադարձավ ընդդիմադիր պատգամավորներ Զարուհի Փոստանջյանի և Նիկոլ Փաշինյանի՝ Քրեակատարողական հիմնարկ մուտք գործելու անհաջող փորձին, ասաց, որ թեև չի ուզում մասնակցել իրավաբանների կռվին, այնուամենայնիվ, կարող է հստակ մի բան ասել. «Օրենքն ապահովում է պատգամավորի մուտքը ցանկացած հիմնարկ, եթե դրանք օպերատիվ գործողությունների հետ կապված չեն:
Թե այդ պահին ճիշտ են արել, թե ճիշտ չեն արել… Ես կարծում եմ, որ եթե օրենքը թույլ էլ չէր տալիս, Զարուհին ու Նիկոլը ո՛չ պիտի ուտեին (կալանավորներին), ո՛չ էլ պիտի կարողանային հրահանգներ տալ»:
Այդուհանդերձ, ՀՀԿ խմբակցության ղեկավարը նշեց, որ չի ցանկանում այդ վեճի մեջ ընկնել և խնդրեց հարցը վերահասցեագրել լիազոր մարմնին:
