Մոլդովացի հայտնի ատամնաբույժ Ալեքսեյ Միտակին սպանել է իր կնոջը՝ 31-ամյա մոդել Անաստասիա Չեկատիին:
34-ամյա տղամարդը սպանել է 31-ամյա մոդելին, իսկ հետո ցած է թռել Քիշնևի իրենց բնակարանի յոթերորդ հարկի պատուհանից:
Բնակարանում այդ ժամանակ իրենց 20 օրական երեխան է գտնվել: Անաստասիա Չեկատին երեխայի հետ ծննդատնից միայն մի քանի օր առաջ էր տուն եկել:
Չեկատին մոդելային բիզնեսում էր հայտնվել 16 տարեկանում: Որպես մոդել նա աշխատել է Բուխարեստում և Դուբայում, նկարահանվել է GQ, Playboy կամ Maxim ամսագրերի համար: Վերջին ժամանակներս Չեկատին աշխատոմ էր իր սեփական նորաձևության բրենդի վրա: Նա երեկոյան զգեստների շարք էր թողարկել:
Ոստիկանության աշխատակիցները բնակարանում հայտնաբերել են Անաստասիայի դիակը՝ վզի շրջանում վերքով: Բացի նրանից բնակարանում իրենց երեխան է գտնվել: Նախքան ինքնասպան լինելը տղամարդը զանգ էր տվել ընտանիքի բարեկամներից մեկին և խնդրել էր հոգ տանել երեխայի համար:
