Վրաստանում դատարանն արդարացրել է մի շարք նախկին բարձրաստիճան պաշտոնյաների, որոնք մեղադրվում էին կաշառակերության մեջ: Այս մասին հաղորդում է «Վրաստան Օնլայն»-ը:
Թբիլիսիի դատարանն անմեղ է ճանաչել «Ռուսթավի-2» հեռուստաընկերության գլխավոր տնօրեն և կրթության նախկին նախարար Նիկա Գվարամիային, էներգետիկայի նախկին նախարար Ալեքսանդր Խետագուրիին, «Տելասի» էներգաբաշխիչ ընկերության գլխավոր տնօրեն Դևի Կանդելակիին, էկոնոմիկայի նախկին փոխնախարար Կախա Դամենիային և «Էլենդեֆ սերվիս»-ի հիմնադիր Գրիգորի Նեմսիցվերիձեին:
Պաշտոնատար անձինք ձերբակալվել էին 2012-ի դեկտեմբերի 19-ին՝ վարչապետ Բիձինա Իվանիշվիլիի իշխանության գալուց հետո:
