Երկարաժամկետ կտտանքները փոխում են ցավի նկատմամբ մարդու նորմալ ընկալումը: Նման եզրակացության են եկել իսրայելցի գիտնականները՝ ուսումնասիրելով նախկին զինվորական գերիների՝ ցավի նկատմամբ ռեակցիան:
Կտտանքների ենթարկված մարդիկ շարունակում են տառապել «ցավի դիսֆունկցիոնալ ընկալմամբ»:
Հետազոտողները պարզել են, որ նախկին զինծառայողները ի վիճակի չեն ազատվել կարճաժամկետ ցավի զգացողությունից այնքան արագ, որքան երբեք կտտանքների չենթարկված մարդիկ: Նրանք ավելի սուր են զգում նաև ցավն այն դեպքում, երբ այն կրկնվում է:
Մի խումբ գիտնականներ ուսումնասիրել են կտտանքների երկարաժամկետ հետևանքները՝ հետազոտելով 60 նախկին իսրայելցի զինվորներից բաղկացած խմբին, որը գերի էր ընկել ավելի քան 40 տարի առաջ: Վերջիններս գերի էին ընկել 1973թ.՝ Եգիպտոսում ու Սիրիայում, ու ենթարկվել դաժան կտտանքների:
Գիտնականներն ուսումնասիրել էին նաև նրանց 44 հասակակիցներին, որոնք երբեք չեն ենթարկվել կտտանքների:
Թել Ավիվի համալսարանից բժշկական ֆակուլտետի պրոֆեսոր Ռուտ Դեֆրինի հետազոտությունը ցույց է տվել, որ 40 տարի առաջ գերի ընկած զինծառայողները շարունակում են տառապել ցավի ընկալման ու կարգավորման դիսֆունկցիայից, հնարավոր է՝ մի քանի տասնամյակ առաջ վատ վերականգնողական գործընթացի հետևանքով:
Հետազոտությունները ցույց են տվել, որ նախկին գերիները ցավին այլ կերպ են արձագանքում, քան նրանց հասակակիցները:
Այս մասին գրված է European Journal of Pain-ում:
