84-ամյա երաժիշտ Քուինսի Ջոնսը, ով հանդիսանում է «Գրեմմի» մրցանակի 27-ակի դափնեկիր, ցնցող հայտարարությամբ է հանդես եկել։ Պարզվում է՝ նա սիրավեպ է ունեցել ԱՄՆ-ի նախագահի դստեր՝ Իվանկա Թրամփի հետ։ Այս մասին նա հայտնել է TMZ պորտալի հետ հարցազրույցում։
Երաժիշտի խոսքով՝ նրանց միջև հարաբերությունները եղել են մոտ 12 տարի առաջ․ «Նա շատ թեժ է։ Նա ունի ամենագեղեցիկ ոտքերը, որ ես երբևէ տեսել եմ իմ կյանքում։ Ճիշտ է, նրա հայրը այքան էլ լավը չէ»։
Հարցազրույցի ժամանակ նա անդրադարձել է նաև Իվանկայի հորը։ Քուինսին կարծում է, որ Թրամփը շատ մեծ կարծիք ունի իր մասին։ «Նա սահմանափակ մարդ է․ տառապում է նարցիսիզմով և մեծամոլությամբ։ Ես նրան տանել չեմ կարողանում»,-ասել է Քուինսին։
Երաժիշտը 3 անգամ ամուսնացած է եղել, ունի 7 երեխա։
