Արիզոնայում կառուցվող՝ շափյուղայի ապակու թողարկման գործարանում Apple-ը վիթխարի գումար է ներդրել՝ 578 մլն դոլար: I-սարքերի արտադրողի մեծ հետաքրքրությունը ալմաստից հետո երկրորդ ամենակարծր բնական նյութի նկատմամբ մի քանի պատճառ ունի:
Առաջին հերթին սինթետիկ շափյուղայից պատրաստված ապակին 3-4 անգամ ավելի ամուր է, քան Gorilla Glass-ը, որը ներկայում կիրառվում է բազմաթիվ սմարթֆոններում: Երկրորդ պատճառն այն է, որ շափյուղան անգույն է, կայուն՝ քերծվածքների նկատմամբ, շատ կարծր է (հալչում է Ցելսիուսի 2030 աստիճան ջերմաստիճանի դեպքում) և անթափանց է քայքայիչ քիմիական նյութերի համար: Այդ որակները թույլ են տալիս դառնալ հուսալի պաշտպանություն iPhone-ի, iPad-ի և Apple-ի այլ արտադրանքների համար: Այս մասին հայտնում է TechCrunch-ը:
Ընկերությունը կարող է պատրաստել շափյուղայի ավելի բարակ շերտեր՝ կշռի ավելցուկը փոխհատուցելու և սարքի ընդհանուր հաստությունը կրճատելու նպատակով:
Այժմ Apple-ը կիրառում է շափյուղայի ապակին տեսախցիկի օբյեկտիվի պաշտպանության համար:
