Կառավարության նիստում արդարադատության նախարար Դավիթ Հարությունյանը ներկայացրել է «Կառավարության կառուցվածքի և գործունեության մասին» օրենքի նախագիծը, ըստ որի՝ կառավարության նիստերը դռնփակ կանցկացվեն:
ԱԺ «Ելք» խմբակցության պատգամավոր Մանե Թանդիլյանը, սա, միանշանակ, հետընթաց է համարում, քանի որ կառավարության նիստերը բաց էին, հանրությունը հետևում էր, թե ինչ է կատարվում:
Պատգամավորի խոսքերով՝ իրականում որևէ երևույթի սահմանափակումը հետընթաց քայլ է. «Որևէ կերպ չի խոչընդոտել իրենց աշխատանքին բաց ֆորմատը, ես դրանում համոզված եմ»:
«Ելք» խմբակցությունն առաջիկայում կհանդիպի ՀՀԿ նախագահի թեկնածու Արմեն Սարգսյանին: Մանե Թանդիլյանը նշեց, որ մեկ նախագահի թեկնածուով ընտրությունը ընտրություն չէ, և հանրությանը չէր կարելի սահմանափակել մեկ թեկնածությամբ: Հավանաբար Արմեն Սարգսյան-«Ելք» հանդիպումը տեղի կունենա հաջորդ շաբաթ:
Ամբողջությամբ՝ տեսանյութում:
