Մեծ Բրիտանիայի օդերևութաբանական ծառայությունը հաշվարկել է, որ առաջիկա 5 տարում տեղի կունենա Երկրի միջին տարեկան ջերմաստիճանի 1,5° C –ով բարձրացում՝ համեմատած մինչարդյունաբերական դարաշրջանի հետ (1850-1900)։
Բրիտանացի օդերևութաբանների կանխատեսման մեջ խոսվում է միջին տարեկան ջերմաստիճանի ժամանակավոր տատանման մասին։
Հիշեցնենք, որ կլիմայի հարցով փարիզյան համաձայնագիրը պահանջում է պահել գլոբալ տաքացումը 2° C-ի սահմաններում, իսկ իդեալական տարբերակը կլինի 1,5° C-ը՝ մինչարդյունաբերական դարաշրջանի համեմատ։
Գլոբալ տաքացման պատճառ են հանդիսանում ջերմոցային գազերի տևական արտանետումները։ Ինչպես կանխատեսում են համակարգչային մոդելները՝ գլոբալ տաքացման հնարավոր հետևանքների թվում են սառցադաշտերի հալոցքը, օվկիանոսների օքսիդացումը, երաշտը, որը կանդրադառնա մոլորակի ¼-ի վրա, անտառային հրդեհները և կենդանիների շատ տեսակների զանգվածային ոչնչացումը։ Հեղեղման սպառնալիքի տակ կհայտնվեն ափամերձ քաղաքները։ Կսկսվի մարդասիրական աղետ։
