Եվրոխմբի 19 երկրների, ինչպես նաև ԵՄ 28 երկրների ՀՆԱ համընդհանուր ցուցանիշները 2017 թվականի արդյունքներով աճել են 2.5 տոկոսով։ Երկու դեպքում էլ դա ամենամեծ ցուցանիշն է 2007 թվականից ի վեր։ Այս մասին հայտնում է AFP-ն՝ հղում անելով Eurostat վիճակագրական ծառայությանը։
Հաղորդագրությունում նշվում է, որ Իսպանիայի տնտեսությունն աճել է 3.1 տոկոսով, Գերմանիայինը՝ 2.2 տոկոսով, Ֆրանսիայինը՝ 1.9 տոկոսով։
Չորրորդ եռամսյակում եվրոգոտու տնտեսությունը, 2016-ի նույն ժամանակահատվածի ցուցանիշի համեմատ, աճել է 2.7 տոկոսով, ողջ ԵՄ-ինը՝ 2.6 տոկոսով։ Եթե համեմատենք չորրորդ և երրորդ եռամսյակների տվյալները, ինչպես Եվրոպական արժութային միության, այնպես էլ ողջ ԵՄ-ի տնտեսական աճը կազմել է 0.6 տոկոս։
