Ռուսաստանի Արտաքին հետախուզության ծառայության (ԱՀԾ) ղեկավար Սերգեյ Նառիշկինը Միացյալ Նահանգներում գտնվելու ընթացքում հանդիպել Է ԱՄՆ-ի Ազգային հետախուզության տնօրեն Դեն Քոութսի, ամերիկյան հետախուզական հանրակցության այլ ներկայացուցիչներ հետ:
Այդ մասին հայտնել Է New York Daily News թերթը՝ վկայակոչելով երկու իրազեկ աղբյուրներ: Հրատարակության զրուցակիցները չեն հրապարակել կայացած բանակցությունների բովանդակությունը: Դրա հետ մեկտեղ, ինչպես նշում են զանգվածային լրատվամիջոցները, առայժմ չի ստացվել այն բանի պաշտոնական հավաստումը, թե ամերիկյան կողմից ով Է եղել Սերգեյ Նառիշկինի բանակցային գործընկերը:
Նառիշկինի՝ Վաշինգտոն կատարած այցի մասին պատմել Է Ռուսաստանի դեսպան Անատոլի Անտոնովը, հաղորդել Է ՌԲԿ-ն: Նա չի ճշտել այցի նպատակը, բայց նշել Է, որ երկու երկրների հատուկ ծառայությունների գծով շփումները շարունակվում են նույնիսկ «ամենադժվարին ժամանակ»: ԱՄՆ-ի Կոնգրեսի Սենատում դեմոկրատական փոքրամասնության առաջնորդ Չաք Շումերը նախագահի վարչակազմից պահանջել Է պարզություն մտցնել Նառիշկինի այցի կապակցությամբ: «Թրամփի վարչակազմը պետք Է անհապաղ պարզություն մտցնի եւ պատասխանի այս հարցին. ԱՄՆ-ի ո՞ր պաշտոնատար անձի հետ Է նա հանդիպել»,- ասել Է սենատորը լրագրողներին, հաղորդել Է «Ինտերֆաքս»-ը:
