36-ամյա Փիթեր Մարկ Ռայթը՝ Ավստրալիայից, ինը տարի ազատազրկման է դատապարտվել՝ չորս տարի շարունակ իր ընկերուհու նկատմամբ բռնություն գործադրելու համար։
Ինչպես պարզվել է, տղամարդը կապել է աղջկան ծառին, նրա վրա ալկալի է լցրել, ծեծել է և նույնիսկ ծնոտն է ջարդել։ Ինչ որ մի պահի 25-ամյա աղջիկը հղիացել է, բայց նույնիսկ դա չի կանգնեցրել սադիստին. նա շարունակել է ծեծի ենթարկել իր զոհին և նույնիսկ մուրճ է օգտագործել, որպեսզի հարվածներ հասցնի փորին և ողերին։ Բացի այդ, նա աղջկան թմրամոլ է դարձրել։
Ընդ որում, այս ամբողջ ընթացքում Ռայթը գտնվել է պայմանական ազատության մեջ. մինչ այդ նրան դատապարտել էին ընտանեկան բռնության համար՝ այլ կնոջ նկատմամբ։ Տղամարդուն ձերբակալել են այն բանից հետո, երբ նա հենց փողոցում փորձել է վառել աղջկան, ով կարողացել է փախչել հարևանի տուն։
Դատարանը սադիստին դատապարտել է ինը տարի ազատազրկման, սակայն հինգ տարի հետո նա կարող է պայմանական ազատման հայց ներկայացնել։
