46-ամյա դերասանուհի Նիկոլ Քիդմանը դարձել է Vanity Fair ամսագրի դեկտեմբերյան համարի հերոսուհին: Իր հասակակից երաժիշտ Քիթ Ուրբանի հետ ամուսնության մասին դերասանուհին մանրամասն չի պատմել, փոխարենը պատմել է Թոմ Քրուզի հետ իր հարաբերությունների մասին:
Նիկոլն ասել է, որ Թոմ Քրուզի հետ ամուսնության ժամանակ ուժեղ ճնշման տակ և ամուսնուց կախվածության մեջ է եղել:
«Դա գոյության այնպիսի տեսակ է, երբ դուք կենտրոնացած եք մեկդ մյուսի վրա: Այնպիսի զգացողություն է, որ դուք պղպջակի մեջ եք, և դա թունավոր ազդեցություն ունի, քանի որ դուք միայն երկուսով եք… Չթաքցնելով Թոմի նկատմամբ ունեցած հարգանքս՝ պետք է ասեմ, որ իմ իսկական սիրուն նոր եմ հանդիպել»,- խոստովանել է Նիկոլը:
Իր հերթին իր ծննդյան նախօրեին Քիթ Ուրբանին հեռուստատեսություն են հրավիրել: Էլեն Դեջեներեսի թոք-շոուում նա հանկարծ սկսել է պատմել այն մասին, որ իրենց ամուսնությունը դժվար ժամանակաշրջան է ապրում:
Քիթն ասել է, որ նախկինում ինքն ու Նիկոլն այնպես էին ծրագրում իրենց աշխատանքային գրաֆիկը, որ մեկ շաբաթից ավելի առանձին չգտնվեին, սակայն կնոջ բրիտանական նկարահանումների պատճառով այժմ նրանք ստիպված են երկար ժամանակ իրարից հեռու ապրել: Քիդմանը The Sun-ի և News of the World-ի նախկին ղեկավար Ռեբեկա Բրուքսի մասին պատմող ֆիլմում գլխավոր դերակատարն է, իսկ Քիթն American Idol հեռուստաշոուի ժյուրիի անդամ է:
«Մեզ միայն մնում է երկար խոսել հեռախոսով, սակայն դա միասին լինելուն չի փոխարինում: Բաժանումը շոու-բիզնեսում շատ ընտանիքներ է քայքայել: Ինձ թվում է, մենք նույնպես կարող ենք կանգնել այդ ճանապարհին»,- անհանգստանում է Ուրբանը:
