2017 թվականին աշխատած միջոցների 82 տոկոսը գնացել է աշխարհի ամենահարուստ մարդկանց գրպանները։ Աճել է նաև աշխարհում միլիարդատերերի ընդհանուր թիվը, ասվում է Oxfam-ի զեկույցում։
3.7 մլրդ մարդիկ, ովքեր կազմում են աշխարհի բնակչության առավել աղքատ մասը, ընդհանրապես ոչինչ չեն ստացել գլոբալ աճած շահույթից։
Oxfam-ի տվյալներով՝ նոր միլիարդատեր է հայտնվել միջինը երկու օրը մեկ։ Ընդհանուր առմամբ աշխարհում հաշվվում է 2043 միլիարդատեր։
«Միլիարդատերերի աճը խոսում է ոչ թե ծաղկող տնտեսության, այլ տնտեսական կարգի փլուզման մասին»,-հայտարարել է Oxfam-ի տնօրեն Ցիննի Բյանիման։
Oxfam-ը պահանջել է դադարեցնել հարկերից խուսափելու պրակտիկան կոնցեռնների և ամենահարուստ մարդկանց համար, պահանջել տղամարդկանց և կանանց համար ավելի արդար եկամուտների սահմանում, ինչպես նաև կոչ արել զբաղվել ներդրումներով՝ ուղղված «բոլորի համար» կրթությանն ու առողջապահությանը։
