ԱՄՆ-ի Հարավային Կառոլինա նահանգի հարավ-արևելքում գտնվող Չարլսթոն քաղաքի բնակիչը զարմացրել է ոստիկաններին ու առափնյա պահպանության աշխատակիցներին, ովքեր հայտնաբերել են նրան անմարդաբնակ կղզում:
Ինչպես հաղորդում է The Post and Courier-ը՝ մի քանի օր առաջ Չարլսթոնի առափնյա պահպանության հրահանգիչը հեռախոսազանգ է ստացել մի ամերիկացուց: Տղամարդը հաղորդել է, որ անմարդաբնակ Դրամ կղզում մարդ է տեսել:
Նորահայտ Ռոբինզոն Կրուզոյի փրկության օպերացիային մասնակցել են հրշեջներ, ոստիկաններ և առափնյա պահպանության աշխատակիցներ: Նրանք բավականին ջանքեր են գործադրել տղամարդուն կղզուց հիվանդանոց հասցնելու համար:
Տղամարդը պատմել է, որ ինքը մտադիր չի եղել ինքնասպանություն գործել: Նա շատ է խմել Մաունտ-Պլեզանտի բարերից մեկում: Այնուհետև հիշում է, որ երկար ժամանակ լողացել է: Երբ արթնացել է, զարմանքով հասկացել է, որ անմարդաբնակ կղզում է և փորձել է ծածկվել վերարկուով, քանի որ շատ ցուրտ է եղել:
Նա այդպես էլ չի կարողացել հիշել, թե ինչու և ինչպես է հայտնվել Դրամ կղզում՝ հիշողության կորուստն արդարացնելով ընդունած ալկոհոլի չափով: