«Ժողովուրդ» թերթը գրում է. ««Նշանակվելով ՀՀ վարչապետ՝ Կարեն Կարապետյանն աշխատանքային գործունեությունը սկսեց ամենատարբեր ոլորտների վերաբերյալ հանձնարարականներ տալով: Սակայն նրա հանձնարարականներից ամենաառանցքայիններն այդպես էլ իրականություն չեն դարձել՝ մնալով թղթի վրա: «Ժողովուրդ»-ը փոքր ուսումնասիրություն է անցկացրել և պարզել, որ իրականություն են դարձել այն հանձնարարականները, որոնք ենթադրում էին օպտիմալացում, ծախսերի կրճատում:
Այդպես պետական կառավարման համակարգում լուծարվեցին ՊՈԱԿ-ներ, ԾԻԳ-եր, ՓԲԸ-ներ, օպտիմալացվեցին նաև որոշ ուսումնական հաստատություններ: Անգամ «Մաքուր Հայաստան» ծրագիրը, որի մասին վարչապետը շատ է սիրում խոսել, այդպես էլ ըստ էության իրականություն չի դարձել: Էլ չենք խոսում սննդամթերքի որակի և անվտանգության բարձրացման մասին, նրա ձևակերպմամբ, «շանտղությունը», միևնույն է, շարունակվում է: Ասել է, թե Կարեն Կարապետյանի «դմփոց- ռեֆորմներն» այդպես էլ մնացել են օդից կախված»:
Առավել մանրամասն՝ թերթի այսօրվա համարում:
