ԱՄՆ արևելյան ափի բնակիչները պատրաստվում են սեզոնի ամենացուրտ գիշերվան։
Հունվարի 6-7-ի գիշերը օդի ջերմաստիճանը կարող է իջնել մինչև -35–ի, սրան նպաստում է ծովային կլիման։
Բացի սառնամանիքներից, տարածաշրջանում սպասվում է նաև ձնաբուք և հեղեղումներ,– գրում է Sky News-ը։
Բոստոնում ուժեղ ափամերձ ալիքները մի քանի փողոց են հեղեղել, ինչի արդյունքում մեքենաները գերության մեջ են հայտնվել։
Ձյան ուժեղ տեղումներ են եղել նաև Նյու Յորքում։ ԶԼՄ–ները քաղաքացիներին տեղեկացնում են ցուրտ եղանակին անվտանգության կանոնների պահպանման մասին։
Վերջին տվյալներով՝ ԱՄՆ–ում եղանակային անբարենպաստ պայմանների պատճառով զոհերի թիվը հասել է 19-ի։ Մարդկանց մեծ մասը մահացել է ցրտահարումից։
Փոխարենը, քանի դեռ ամերիկացիները տանն են, խոշոր վայրի կենդանիները իրենց լավ են զգում փողոցում և գալիս են բնակելի տների մոտ սնունդ հայթայթելու։
Իսկ Ֆլորիդայում բնապահպանները 100 ծովային կրիա են փրկել, որոնք ջրի չափազանց սառնության պատճառով ջրի մակերեսին էին բարձրացել և կարող էին գիշատիչ կենդանիների բաժին դառնալ։
