Gallup ընկերության հետազոտությունը ցույց է տվել, թե ումով են առավել հիանում ԱՄՆ բնակիչները։ Առաջին հորիզոնականը կիսել են նախկին նախագահ Բարաք Օբաման (17% հիացած ամերիկացիներ տղամարդկանց շրջանում) և Հիլարի Քլինթոնը, ով հանդիսանում է չափորոշիչ կանանց 9%-ի համար։
Գործող նախագահ Դոնալդ Թրամփը զբաղեցրել է երկրորդ տեղը՝ 14% ցուցանիշով։ Կանանց շրջանում երկրորդ տեղը զբաղեցրել է նախկին առաջին տիկին Միշել Օբաման (7%)։
Երրորդ հորիզոնականում են Հռոմի պապ Ֆրանցիսկոսը (3%) և հեռուստահաղորդավարուհի Օփրա Ուինֆրին (4%)։
Նշվում է, որ 2016 թվականի համեմատ Օբամայի և Թրամփի վարկանիշերն ընկել են։ Անցած տարի Օբամայով հիացել է պատասխանողների 22%-ը, Թրամփով՝ 15%-ը։ Հիլարի Քլինթոնի վարկանիշը մեկ տարում ընկել է 3%-ով։
Հետազոտության արդյունքները հիմնված են հեռախոսային հարցումների վրա, որոնք անցկացվել են դեկտեմբերի 12-ին, 18 տարեկանից բարձր 1049 քաղաքացիների շրջանում։
