Ամերիկյան փոփ-երգչուհի, դերասանուհի և «Գրեմմի»-ի հինգ մրցանակների դափնեկիր Քրիստինա Ագիլերան այժմ հանդիպում է ու պատրաստվում է ամուսնանալ պրոդյուսեր և Nate Mott Band խմբի անդամ Մեթ Ռաթլերի հետ:
Սիրահարները ծանոթացել են «Բուրլեսք» ֆիլմի նկարահանումների ժամանակ և դրանից հետո հայտնվել են մի քանի աղմկահարույց սկանդալների կենտրոնում: Հիշենք թեկուզ այն դեպքը, երբ զույգին ձերբակալել էին ոչ սթափ վիճակում ավտոմեքենա վարելու համար և տարել էին ոստիկանական բաժանմունք, որտեղ նրանք մնացել էին ողջ գիշեր:
Չնայած այսպիսի պահվածքին՝ երգչուհին պնդում է, որ չի սիրում այն տղաներին, որոնք կապ ունեն շոու-բիզնեսի հետ:
«Գիտեք, ես այնքան էլ չեմ սիրում զվարճանալ աստղերի հետ: Այդ պատճառով նրանցից ընկերներ չեմ ընտրում: Նախընտրում եմ հանդիպել սովորական տղամարդկանց հետ»,- հայտարարել է Ագիլերան: