Իսրայելի արտգործնախարար Ցիպի Խոտովելին հայտարարել է, որ երկիրը բանակցում է ավելի քան 10 պետությունների հետ՝ Երուսաղեմն իսրայելական մայրաքաղաք ճանաչելու հարցով։
Նրա խոսքով՝ Թել Ավիվը կոչ է անում երկրներին, այդ թվում եվրոպական, տեղափոխել են իրենց դեսպանատները Երուսաղեմ՝ ԱՄՆ-ի և Գվատեմալային օրինակով։
«Բոլոր մայրցամաքների վրա կան երկրներ: Խոսքն ավելի քան 10 երկրի մասին է, և մենք ԱԳՆ-ում կշռադատված աշխատանք ենք իրականացնում յուրաքանչյուրի հետ», – ասել է Խոտովելին հեռուստաեթերում:
Նախարարը չի հստակեցրել, թե որ երկրների մասին է խոսքը։
ՄԱԿ-ի Գլխավոր ասամբլեան դեկտեմբերի 21-ին ընդունել է բանաձև ընդդեմ Երուսաղեմի կարգավիճակի փոփոխման։ Փաստաթղթին դեմ են քվեարկել Գվատեմալան, Հոնդուրասը, Իսրայելը, Մարշալյան կղզիները, Միկրոնեզիան, Նաուրուն, Պալաուն, ԱՄՆ-ը և Տոգոն։
