ԱՄՆ Կալիֆոռնիա նահանգի Սանտա-Մոնիկա քաղաքի ոստիկանությունը հետաքննություն է սկսել դերասան և ռեժիսոր Սիլվեստր Ստալոնեի դեմ բռնաբարության մեղադրանքից հետո: Այս մասին հայտնում է TMZ-ը:
Հաղորդվում է, որ Ստալոնեի դեմ հայց է ներկայացրել մի կին, ով բողոքել է, որ դերասանն իր հանդեպ ոտնձգություն է արել դերասանի գրասենյակում իրենց հանդիպման ժամանակ, որը տեղի է ունեցել 1990-ական թթ. սկզբին: Սկսված հետաքննության արդյունքները կզեկուցվեն շրջանային դատախազին, ով կորոշի՝ Ստալոնեին դատարանի առաջ կանգնեցնել, թե ոչ: Կալիֆոռնիայի օրենքով՝ այդպիսի հանցագոծությունների վաղեմության ժամկետը 10 տարի է:
Սա դերասանի դեմ նման առաջին մեղադրանքը չէ Նոյեմբերին բրիտանական The Daily Mail-ը հայտնել է, որ մի կին Ստալոնեին մեղադրել է, որ 1986 թ. նա իր թիկնապահի հետ իրեն բռնաբարել է Լաս Վեգասի Hilton հյուրանոցի համարում: Տուժածը, ով այդ ժամանակ 16 տարեկան է եղել, ասել է, որ Ստալոնեն իրեն սպառնացել է ֆիզիկական հաշվեհարդար տեսնել, եթե ինքը որևէ մեկին պատմի տեղի ունեցածը: Ստալոնեն կտրականապես հերքել է այդ մեղադրանքները:
