Դեկտեմբերի 14-ին հեռուստաընկերություններից մեկին տված Սերժ Սարգսյանի հարցազրույցը «Առաջին լրատվական»-ի հարցմանը մասնակցած քաղաքացիների մեծամասնությունը չէր դիտել։
«Սերժ Սարգսյանն ո՞վ ա․ես դրա ելույթները չեմ նայում»,- ասաց մի տղամարդ։
«Չէ, ես հայկական ալիքներ չեմ նայում», «Չեմ դիտել ու ցանկություն էլ չունեմ նայելու» և նմանօրինակ պատասխաններ տվեցին քաղաքացիները։
Հարցազրույցի ժամանակ պատասխանելով լրագրողի այն հարցին, թե 2018 թվականին ինչով է զբաղվելու ինքը`Սերժ Սագսյանը, արդյոք դեռ չի՞ որոշել, Սերժ Սարգսյանը նշել է.
«Պետք է ասեմ, որ, իրոք, ժամանակը դեռ չի եկել, երբ կգա` կհայտարարեմ։ Կարծում եմ` մենք, վերջիվերջո, իրավունք ունենք որոշելու՝ նկատի ունեմ ՀՀԿ-ն` կոալիցիոն գործընկերոջ հետ միասին, թե ով, որտեղ ավելի արդյունավետ կարող է աշխատել»։
Մեր հարցին, թե ցանկություն ունե՞ք, որպեսզի Սերժ Սարգսյանը շարունակի պաշտոնավարել նաև 2018թ-ից հետո արդեն որպես վարչապետ, քաղաքացիների կարծիքները միանշանակ չեն։ Նրանք ասացին․
«Իհարկե ոչ․ նա պետք է հեռանա, որովհետև այս տարիների ընթացքում երկիրը միայն անդունդի է տարել»։
«Միանշանակ ոչ․ փոփոխություններ պարտադիր պետք է լինեն, նոր դեմքեր, նոր գործելաոճ ու նոր քաղաքականություն է մեզ պետք»։
«Վլադիմիր Պուտինը ինչպես ասի, այնպես էլ կլինի, նա է որոշողը՝ ով մնա ստեղ իշխանության, ով գնա»։
«Ես կցանկանայի, որպեսզի ներկայիս նախագահը շարունակեր․ կարծում եմ, որ այդպես ավելի լավ կլինի, նրանից լավ ոչ մեկ արտաքին քաղաքականությունը չի կարող տանել»։
«Իմ համար տարբերություն չկա․ով էլ, որ լինի, մեկ ա բան չի փոխվելու»։
Մանրամասները՝ տեսանյութում։
