Կիևի դատարանն ազատ է արձակել Օդեսայի նախկին նահանգապետ Միխեիլ Սաակաշվիլիին: Այդպիսով դատարանը մերժել է տնային կալանքի մասին դատախազության միջնորդությունը: Այս մասին հայտնում է BBC-ն:
Նշվում է, որ Սաակաշվիլին ազատ է արձակվել Վերին ռադայի պատգամավորների երաշխավորությամբ. նիստի ընթացքում ուկրաինացի 10 պատգամավոր պատրաստակամություն է հայտնել երաշխավորել Վրաստանի նախկին նախագահի համար:
Դատարանի դահլիճում Սաակաշվիլին հայտարարել է, որ ինքն իրեն ռազմագերի է համարում, իսկ տնային կալանքն անվանել է իրեն քաղաքական գործունեությունից հեռացնելու փորձ:
Նիստի սկզբում Սաակաշվիլին անմիջապես հայտարարել է, որ «պայքարը շարունակվում է» և սկսել է Ուկրաինայի հիմնը երգել: Դրանից հետո Վրաստանի հիմնն է կատարվել:
Սաակաշավիլին ձերբակալվել էր դեկտեմբերի 8-ին, ուղարկվել էր հետաքննչական մեկուսարան: Ավելի ուշ նա անժամկետ հացադուլ էր հայտարարել:
Այսօր Սաակաշվիլին դատարանում հայտարարել է, որ պատրաստ է «հացադուլ անել մինչև մահ»:
