«Վերջին շրջանի թանկացումների երեք պատճառ կա՝ արտաքին պատճառները արտարժույթի տատանումներով պայմանավորված, սպեկուլիատիվ գնաճ կա որոշակի և ներքին պատճառներ՝ պայմանավորված նոր տարվա գնումներով»,- «Առաջին լրատվական»-ի հետ զրույցում ասաց Գործատուների հանրապետական միության նախագահ Գագիկ Մակարյանը՝ անդրադառնալով վերջին թանկացումներին։
Մակարյանն անդրադառնալով սպեկուլիատիվ գնաճին, նշեց, որ իր հաշվարկներով որոշ ապրանքների դեպքում 500-1000 դրամ արհեստական գնաճ կա։
Գագիկ Մակարյանի խոսքերով՝ կառավարությունը կարող է հակազդել գնաճի վրա։ Դա պետք է իրականացվի տնտեսական մրցակցության պաշտպանության հանձնաժողովի միջոցով, որն իր ուսումնասիրությունները պետք է ավելի վաղ սկսի, ոչ թե սպասի, որ խնդիր առաջանա։ «Այսինքն՝ իմանալով, թե մենք որքան ենք սպառում, որ ապրանքների մասով է խնդիր առաջանում, ուսումնասիրի, հաշվարկի, տեսնի, թե դեկտեմբերին ինչ խնդիր կարող է առաջանալ։ Բացի այդ, կենտրանական բանկը պետք է հասկանա՝ ինքը արհեստական է զսպելու, թե լողացող կուրս է կիրառելու։ Այս երկու մեխանիզմներով միայն կարելի է զսպել գնաճը»,- ասաց Մակարյանը։
Առավել մանրամասն՝ տեսանյութում:
