«Պաշտպանության նախարարը այս ամբիոնից ասաց, որ այնքան էլ բարոյական չէ փողով բանակից ազատվելու այս համակարգը, և սա պետք է հանվի: Բայց հետո պաշտպանության նախարարությունը եկավ ասեց՝ փողը քիչ է, եկեք փողն ավելացնենք»,- «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին օրենքում փոփոխություններ կատարելու մասին» օրենքի նախագծի քննարկմանը հայտարարեց «Ելք խմբակցության պատգամավոր Էդմոն Մարուքյանը՝ այս ամենը անհասկանալի համարելով:
Նրա խոսքով՝ եթե դեմ եք փողով ազատվելուն, ինչո՞ւ եք փողը՝ վճարվելիք անհրաժեշտ գումարը, բարձրացնում:
Մարուքյանն առաջարկեց այս 11 հազար ՀՀ քաղաքացիների համար այլ մոտեցում որդեգրել. «Ասենք՝ պետությունը ձեզ ներում է, փող-բան, ոչ մի բան պետք չի, եկեք ձեր երկիր, երկիրը ձեր կարիքն ունի, և քրեական գործերը փակում ենք: Գան այդ 11 հազարը Հայաստանի Հանրապետություն, և այս օրենքն այլևս չերկարացնենք և բոլորին տանք երկու ուղերձ՝ մենք ներում ենք հետախուզման մեջ եղած մարդկանց, և երկրորդ՝ այն այլևս չի երկարացվելու, և ովքեր խուսափեն, ամենայն խստությամբ պատասխանատվության կենթարկվեն»:
Մանրամասները՝ տեսանյութում:
