Վաշինգտոնի համալսարանի, Ֆրեդ Հաթչինսոնի անվան Օնկոլոգիական հետազոտությունների կենտրոնի և Բրաունի համալսարանի մասնագետները կանանց կյանքի տևողության հետազոտությունների ընթացքում պարզել են, որ ֆիզիկական թեթև վարժություններն ու ծանրաբեռնվածությունը, որոնք իրենց մեջ ներառում են նաև տնային գործեր կատարելը, ինչպիսիք են մաքություն անելն ու ափսեները լվանալը, թույլ են տալիս զգալիորեն ավելի երկար ապրել, հայտնում է Life պորտալը։
Հատուկ սենսորների միջոցով 6000 կանանց հետազոտումը հաստատել է գիտնականների ենթադրություններն առ այն, որ ֆիզիկական ծանրաբեռնվածությունը բարելավվում է օրգանիզմի վիճակը։
Թիրախային խմբի կանայք (65-ից բարձր տարիքի), ովքեր օրական 30 րոպե տրամադրել են ֆիզիկական ակտիվությանը, զգալիորեն բարձրացրել են օրգանիզմի ընդհանուր տոնուսը՝ դրանով իսկ առաջիկա տարիների համար նվազեցնելով լուրջ հիվանդությունների հավանականությունը 12 տոկոսով, մահվան հավանականությունը՝ 39 տոկոսով։
