ԱՄՆ Քլիվլենդի կլինիկայի մասնագետները տագնապ են բարձրացնում. ուսումնասիրությունները ցույց են տալիս, որ տղամարդիկ, ովքեր սմարթֆոնները տաբատի գրպանում են պահում օրական 4 ժամից ավել, կրկնակի պակաս պտղաբերություն են ունենում ճառագայթման մշտական ազդեցության պատճառով: Այս մասին հայտնում է statuspress-ը:
Այդպիսի տղամարդկանց համար մասնագետները հատուկ վարտիք են ստեղծել: Ներքնազգեստը մշակել են ամերիկյան Spartan ընկերության մասնագետները: Այն պատրաստված է բարձր տեխնոլոգիական WaveTech գործվածքով: Գործվածքն արգելափակում է անլար ցանցերի բոլոր հայտնի ճառագայթումների 99%-ը, պնդում են հեղինակները:
Նրանք նշում են, որ նորույթը շատ հարմար է՝ սովորականից ոչ պակաս: Այն նաև հակաբակտերիալ հատկություն ունի: Spartan վարտիքը կթողարկվի սև, մոխրագույն, կապույտ, կարմիր և կանաչ գույներով, կարժենա 40 եվրո:
