Որոշ հոլիվուդյան աստղեր իրենց հերոսաբար են դրսևորում ոչ միայն էկրանին։ 68-ամյա դերասանուհի Մերիլ Սթրիփը պատմել է, թե ինչպես է իրեն հաջողվել փրկել անծանոթ կնոջը թալանից։ Դեպքը տեղի է ունեցել Նյու Յորքի փողոցներից մեկում։ Տհաճ միջադեպի ժամանակ ինքը եղել է երգչուհի Շերի ուղեկցությամբ, ով նույնպես օգնել է ավազակին հետ մղելու հարցում, հայտնում է Page Six-ը։
Թալանի հետ կապված դրվագի մասին Մերիլ Սթրիփը պատմել է մրցանակաբաշխության արարողության ժամանակ, որը կազմակերպվել էր Լրագրողների պաշտպանության միջազգային կոմիտեի կողմից։ Սթրիփի խոսքով՝ ինքը քայլելիս է եղել Նյու Յորքով, երբ հանկարծ տեսել է, թե ինչպես է կողոպտիչը հարձակվել անցորդի վրա։
«Ես ակնթարթորեն դուրս եկա ափերիցս և սկսեցի բղավել։ Դրանից հետո ես սկսեցի հետապնդել ավազակին։ Հարցրեք Շերին, նա դրան ներկա է եղել։ Հանցագործը թաքնվել է, դա հրաշք էր»,-պատմել է դերասանուհին՝ հիշելով նմանօրինակ դեպք, երբ ինքն է դարձել թալանի զոհ։
