Այսօր Նորք-Մարաշի գերեզմանատանը բացվեց Արցախում հունիսի 17-ի առավոտյան հակառակորդի կողմից մահացու վիրավորում ստացած, ապա հոսպիտալի ճանապարհին մահացած՝ քառօրյա պատերազմի մասնակից Նարեկ Գասպարյանի հուշաքարը։
Նարեկ Գասպարյանը արիաբար մասնակցել էր քառօրյա պատերազմին, Սերժ Սարգսյանի կողմից պարգևատրվել, ապա վերադարձել էր ծառայության, որին մնացել էր 26 օր։ 26 օր հետո Նարեկը պետք է տուն վերադառնար։ «Կարոտում եմ, շատ եմ կարոտում… ոչ մի բան չեմ ուզում, թող մենակ կողքիս լիներ, թող ոչ մի բան չասեր, միայն կողքիս լիներ…»,- արցունքն աչքերին ասաց մայրը։
Նարեկի հայրը մեզ հետ զրույցում պատմեց, որ Նարեկը երբեք ոչ մի բանից չէր բողոքում, չէր դժգոհում ծառայությունից։ Ասում էր՝ այ կտեսնեք, կծառայեմ, հետ կգամ։ «Հերոս էր իմ տղան, բոլորն էլ իրան որպես հերոս են հիշում ու գնահատում»,- ասաց հայրը։
Հուշաքարի բացմանը ներկա էին նաև պաշտպանության փոխնախարար Արտակ Զաքարյանը, Նարեկի հրամանատարը և ընկերները։
Առավել մանրամասն՝ տեսանյութում:
