«Ղարաբաղյան հակամարտության կարգավորման ուղղությամբ ես որևէ նոր գործընթաց չեմ տեսնում։ Կարգավորման ուղղությամբ փորձեր արդեն երկար տարիներ է չեն արվում, և այն, ինչով զբաղված է Մինսկի խումբը, կարգավորման գործընթաց չէ, հակամարտության մենեջմենթ է պարզապես»,- «Առաջին լրատվական»-ի հետ զրույցում նման տեսակետ հայտնեց «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը։
Մեր զրուցակիցը կարծում է, որ հակամարտության կարգավորման ուղղությամբ ռեալ փոխզիջումների գնալու և հակամարտությունը կարգավորելու հույսեր այժմ չպետք է ունենալ։
Մեր այն հարցին, թե ինչո՞ւ է այդ դեպքում նախագահ Սարգսյանը խոսում «ցավոտ» լուծումների մասին, Իսկանդարյանն արձագանքեց. «Սեղանին դրված են Մադրիդյան սկզբունքները, այն, ինչ խոսվում է, դրա շուրջ է, թղթերը փոխվում են՝ կա նորացված տարբերակ։ Բայց դրանք այն սկզբունքներն են, որոնց մասին ժամանակ առ ժամանակ խոսում են հայկական կողմի ներկայացուցիչները։ Ճնշումներ միշտ կան, բայց Ադրբեջանի վրա ավելի շատ, ինչ-որ կերպ փորձում են ստիպել դադարեցնել բռնությունները։ Հայաստանի վրա ճնշումներ ևս կան, բայց քաղաքական ճնշումներն այնքան մեծ չեն, որ իրավիճակը լրջորեն փոխվի։ Իսկ ոչ քաղաքական ճնշումների համար գործիքներ չկան»։
Հարցազրույցն ամբողջությամբ՝ տեսանյութում։