ԱՄՆ Ազգային արխիվը հրապարակել է ԱՄՆ 35-րդ նախագահ Ջոն Քենեդիի սպանության գործով հետաքննության հետ կապված փաստաթղթերի հերթական փաթեթը: Այն պարունակում է ընդհանուր 13 213 փաստաթուղթ:
Հրապարակված փասթաթղթերից մեկում խոսվում է Քենեդիի սպանության և Կուբայի առաջնորդ Ֆիդել Կաստրոյի դեմ ՀԴԲ-ի կազմակերպած մահափորձի միջև կապի մասին: Նշվում է, որ հատուկ ծառայության աշխատակցի հանդիպումը կուբացի գործակալի հետ տեղի է ունեցել 1963 թ. նոյեմբերի 22-ին Փարիզում: «Վկայությունները ցույց են տալիս, որ հանդիպումը տեղի է ունեցել նույն րոպեներին, երբ սպանել են նախագահ Քենեդիին»,- ասվում է փաստաթղթում:
Նոյեմբերի 3-ին ԱՄՆ Ազգային արխիվը հրապարակել է «Քենեդիի գործի» հետ կապված 676 փաստաթուղթ: Հոկտեմբերի 26-ին հրապարակվել է 2891 փաստաթուղթ, հուլիսի 24-ին՝ 3810:
