«Զինվորական ծառայության և զինծառայողի կարգավիճակի մասին» օրենքի նախագծի վերաբերյալ օրենքի նախագծի դեմ դուրս եկած ու դասադուլ անող ուսանողները այսօր հանդիպեցին ԵՊՀ Ինֆորմատիկայի և կիրառական մաթեմատիկայի ֆակուլտետի դեկան Վահրամ Դումանյանի հետ:
«Գործող օրենքի համաձայն՝ բոլորը ծառայում են, ես անուն առ անուն չգիտեմ, թե ովքեր չեն ծառայում, բայց տեսականորեն կարող են չծառայել 140 հոգին, եթե այդ 140 հոգին արական սեռի, զորակոչի տարիք առողջ երիտասարդներ են, եթե 140-ն էլ ժամանակին, սահմանված կարգով պաշտպանել են թեկնածուական ատենախոսությունը, եթե 140 աշխատում են ըստ մասնագիտության: Հիմա ինչո՞ւ են 140 վրա կենտրոնացել՝ ասում են, որ դրանից օգտվում են պարտադիր զինծառայությունից խուսափողներ: Ես սա չեմ վիճարկում, համոզված եմ՝ կան դեպքեր, որ այդպես է, բնականաբար, հարց է առաջանում, թե այդ որոնք են, ինչո՞ւ են անանուն խոսում , ի՞նչ ուղղությունն են՝ բնագիտական, հումանիտար, թե այլ»,- ասաց դեկանը: