ՌԴ դեսպան Անդրեյ Կառլովի սպանության հետաքննման ընթացքում Թուրքիայի գլխավոր դատախազությունը պարզել է, որ անհայտ անձը մուտք է գործել դիվանագետին սպանողի փոստարկղ և այնտեղից ջնջել բոլոր հաղորդագրությունները, հայտնում է Karar թերթը։
Նշվում է, որ մուտքը մարդասպանի Gmail օգտատերն իրականացրել է մարդասպանի մահից հետո և Հյուսիսային Կիպրոսի տարածքից։
Թուրքիայի դատախազության տվյալներով՝ մուտքը փոստարկղ իրականացվել է ուսանողական հանրակացարաններրից մեկից։
Դատախազությունը կարծում է, որ հաղորդագրությունները դեռևս հնարավոր կլինի վերականգնել։ Այդ նպատակով իրականացվում են մարդասպանի հեռախոսի ապաարգելափակման փորձեր։
Թուրքիայում ՌԴ դեսպան Անդրեյ Կառլովը սպանվել էր 2016 թվականի դեկտեմբերի 19-ին Անկարայի Ժամանակակից արվեստի կենտրոնում՝ ֆոտոցուցադրության բացման ժամանակ ելույթ ունենալիս։
