2014թ. Ռուսաստանը կսկսի «Ուրան-Է» հարվածային հրթիռային համալիրներ մատակարարել Ադրբեջանին՝ հաղորդում է REGNUM-ը:
2010թ. ադրբեջանական կողմը 75 միլիոն դոլարի պատվեր է տվել ռուսական կողմին: Ընթացիկ տարվա վերջից կսկսվի պատվերի իրագործումը: Այս հրթիռային համալիրները կներառվեն Ադրբեջանի ռազմածովային ուժերի նավային սպառազինման մեջ:
Նշվում է, որ ներկայում Կասպից ծովում այս համալիրներից ունեն միայն ռուսական և թուրքմենական ռազմական նավերը: Բացի Ադրբեջանից՝ 2010թ. «Ուրան-Է» հարվածային հրթիռային համալիրներ են պատվիրել նաև Թուրքմենստանը (79.8 միլիոն դոլար) և Ղազախստանը (30 միլիոն դոլար):
Հիշեցնենք, որ Ադրբեջանը Ղարաբաղի պատերազմի ժամանակ ռազմածովային հեռահար հրետանին օգտագործում էր Ստեփանակերտի հրետակոծման համար, ինչը ստիպեց 1993թ. ոչնչացնել Աղդամի կրակակետերը: