Զինապարտության մասին օրենքում փոփոխությունների շուրջ «Առաջին լրատվական»-ը զրուցել է «Մխիթար Սեբաստացի» կրթահամալիրի տնօրեն Աշոտ Բլեյանի հետ: Անդրադառնալով նախագծին՝ Աշոտ Բլեյանը նշել է, որ բանակի կազմավորման սկզբից ինքը ունեցել է նույն տեսակետը, որ պետության առաջ բոլորը պետք է պարտադիր, ժամկետային զինծառայություն անցնեն հավասար:
«Մենք պետք է խոսենք ոչ թե ուշացած փոփոխությունից, այլ շատ արագ հսկողության ձև սահմանենք, որպեսզի ծառայությունը ձևական չլինի: Սա է գլխավոր անհանգստությունը, որ էլի ծառայությունը շատերի համար կլինի ձևական: Մենք պետք է տեսնենք հայտնի մարդկանց, ովքեր մինչև հիմա ծառայությունը չեն կատարել, «օրինական խողովակներով» իրենց ծառայությունը չեն կատարել, հիմա կատարեն, և առաջինը լինեն ծառայության մեջ»,- ասել է Աշոտ Բլեյանը:
Ուսման հետ, նրա խոսքերով, սա բացարձակ կապ չունի գիտության հետ՝ առավել ևս, և եթե կապ ունի, ապա՝ արվեստի, երաժշտության, տաղանդավոր մարդկանց հետ:
«Պետք է այն գիտակցումը լինի, որ եթե չես ծառայել, դու չես կարող Հայաստանում պաշտոն զբաղեցնել, չես կարող Հայաստանում ապագա ունենալ»,- հավելել է նա:
Հարցազրույցն ամբողջությամբ՝ տեսանյութում:
