«Սասնա ծռեր-2»-ի գործով դատական նիստը մեկնարկել է Արթուր Օհանյանի նախագահությամբ: Դատական նիստի սկզբում նախագահողը ճշտեց ամբաստանյալների ինքնությունը: Որոշ դեպքերում փորձելով զրույցի բռնվել նրանց հետ, նիստը սկզբում հանդարտ էր ընթանում, սակայն երբ նախագահողը բարձրացրեց մեղադրող դատախազներին ինքնաբացարկ հայտնելու հարցը, ամբաստանյալները սկսեցին հերթով ելույթ ունենալ և արդյունքում բացարկ հայտնեցին մեղադրողներ՝ Պետրոսյանին և Գաբրիելյանին:
Ամբաստանյալ Արամ Մանուկյանը սկսեց ելույթների շարքը՝ ասելով. «Ծանոթ եմ «մեղադրական» եզրակացությանը, 500 քանի էջանոց հեքիաթ ա: Այն ինչ գրված ա, ոչ մի կապ չունի գործի հետ»:
Ամբաստանյալ Սերգեյ Կյուրեղյանը հայտարարեց, որ էս դատարանը հայոց դատարանը չէ: ՀՀ զինանշանը պիտի լիներ մեզ մոտ: Ձեզ մոտ առնվազն չիբուրաշկի նկարը պիտի լիներ, սա չիբուրաշկի դատարան է: Էդ զինանշանը հայ ժողովրդին է պատկանում, դուք ու մնացած կառույցները ՀՀ-ինը չեք, մի հանդես եկեք Հայաստանի անունից: Դրա իրավունքը չունեք, արժանի չեք: Հայաստանի անունից խոսելու, արդարադատություն իրականացնելու իրավունք չունեք, դուք տարբեր դեմքեր ունեք, բայց կատարում եք չիբուրաշկի կամքը»:
Ամբաստանյալ Մարտիրոս Հակոբյանը հայտարարեց. «Ում առաջ ոտքի կանգնենք ու գլուխ խոնարհենք, Դատարանը որ լինի անաչառ ոտքի կանգնենք: Ամբաստանյալների շահերի պաշտպանները ճշգրտեցին, որ մեղադրողներին բացարկ է հայտնվում, որ նրանք չեն կարող անկողմնակալ լինել: Դատարանը հեռացել է խորհրդակցական սենյակ որոշում կայացնելու:
