Դուբայում չեղարկվել է տղամարդու հանդեպ սեքսուալ ոտնձգության մեջ մեղադրվող Ջեյմի Հերոնի դատավճիռը: Բրիտանացին կկարողանա վերցնել իր անձնագիրը և լքել երկիրը, հայտնում է Detained in Dubai իրավապաշտպան խումբը:
Նշվում է, որ ազատման մասին որոշումն ընդունել է անձամբ Դուբայի էմիր Մոհամեդ իբն Ռաշիդ ալ Մաքթումը:
27-ամյա շոտլանդացու հետ դեպքը տեղի է ունեցել այս տարվա հուլիսին: Դուբայի բարերից մեկում նրա և մեկ ուրիշ այցելուի միջև վեճ է տեղի ունեցել: Երբ տղամարդկանց հաջողվել է հանգստացնել, Հերոնն ի նշան հաշտության դիպել է վեճի մեկ ուրիշ մասնակցի:
Ավելի ուշ վերջինս դատարան է դիմել՝ Հերոնին մեղադրելով ոտնձգության մեջ: Որպես հետևանք՝ շոտլանդացուն դատապարտել են 3 ամսվա ազատազրկման:
